Footyheadlines portalida «Yuventus»ning kelgusi mavsum uchun zahira libosining fotosurati paydo bo‘ldi. Ushbu forma 2021/2022 yilgi mavsumda foydalaniladigan uchunchi libos bo‘lishi kutilmoqda.
Liboslar uchta rangda - sariq, ko‘k rang va oq ranglarda tayyorlangan. Shu bilan birga, futbolkada g‘ayrioddiy naqsh mavjud. Turin klubining texnik homiysi Germaniyaning Adidas firmasi hisoblanadi.
Ma’lumot uchun, «Yuventus» bugungacha 55 ochko bilan Italiya chempionati turnir jadvalida uchinchi o‘rinni egallab turibdi.
Eslatib o‘tamiz, «Byankoneri» keyingi turda 21 mart sanasida o‘z maydonida «Benevento» bilan to‘qnash keladi.
