Footyheadlines порталида «Ювентус»нинг келгуси мавсум учун заҳира либосининг фотосурати пайдо бўлди. Ушбу форма 2021/2022 йилги мавсумда фойдаланиладиган учунчи либос бўлиши кутилмоқда.
Либослар учта рангда - сариқ, кўк ранг ва оқ рангларда тайёрланган. Шу билан бирга, футболкада ғайриоддий нақш мавжуд. Турин клубининг техник ҳомийси Германиянинг Adidas фирмаси ҳисобланади.
Маълумот учун, «Ювентус» бугунгача 55 очко билан Италия чемпионати турнир жадвалида учинчи ўринни эгаллаб турибди.
Эслатиб ўтамиз, «Бьянконери» кейинги турда 21 март санасида ўз майдонида «Беневенто» билан тўқнаш келади.
