Xabaringiz bor, "Navbahor" jamoasi Coca Cola Superliga 3-turi doirasida o‘z maydonida Qarshining “Nasaf” jamoasiga qarshi maydonga tushadi. Mazkur o‘yin uchun chiqarilgan chiptalar bugundan sotuvga chiqadi.    

Ishqibozlar 4, 5, 6, 7, 8, 9, 14, 15, 16, 17, 18 va 19-sektorlar uchun 15 ming, 3, 10, 11, 12, 13 hamda 20-sektorlarga 20 ming so‘m, 2 va 21-sektorlar uchun esa 30 ming so‘mdan chipta xarid qilishlari mumkin.

Chiptalar Namangan shahridagi “Markaziy” o‘yingoh, “Chorsu” va “Sardoba” dahalari, Davlatobod tumanidagi “Kamolot bog‘i” kassalarida sotiladi. Chiptalar miqdori cheklangan. Ularni tezroq xarid qilishga shoshiling!

Karantin qoidalariga amal qilgan holda, barcha muxlislar stadionga tibbiy niqoblarda kelishlari shart. Tibbiy niqob taqish bilan nafaqat o‘zingiz, balki, yaqinlaringiz hamda atrofingizdagilarning ham sog‘liklarini asragan bo‘lasiz. Tibbiy niqob taqmagan muxlislar stadionga kiritilmaydi.    

“Navbahor” – “Nasaf” o‘yini 19 mart kuni soat 18:30 da start oladi.   

“Navbahor” PFK matbuot xizmati.