Ayni paytda Ispaniya terma jamoasi JCH-2022 saralashi bosqichi doirasida, o‘z uyida Gresiya termasiga qarshi o‘ynamoqda.

Mezbonlarning boshlang‘ich tarkibida ispanlar himoyachisi Serxio Ramos maydonga tushdi va bu uning terma jamoa tarkibidagi 179-o‘yini sifatida tarixda qoldi.

Ramos mazkur ko‘rsatgich otqali, Quvayt terma jamoasi hujumchisi Bader al-Mutvani milliy jamoalar tarkibida eng ko‘p maydonga tushgan futbolchilar ro‘yxatida ortda qoldirdi.
Hozirda 34 yoshli ispaniyalik futbolchi ikkinchi o‘rindan joy olgan bo‘lib, mazkur pog‘onani ummonlik Ahmed Muborak bilan bo‘lishib turibdi.

Mazkur ko‘rsatgich bo‘yicha rekord misrlik Ahmad Hassanga tegishli. Ayni paytda Ahmadning hisobida 184 uchrashuv mavjud. Serxio Ramos esa ushbu rekordni yangilash uchun, bor yo‘g‘i 5 ta o‘yin o‘tkazishi talab etiladi.