Bugun O‘zbekiston futbol assosiasiyasida O‘FA birinchi vise-prezident Ravshan Ermatov hamda Tojikiston futbol federasiyasi vise-prezidenti Dilshod Jurazoda boshchiligidagi delegasiya o‘rtasida uchrashuv bo‘lib o‘tdi.
Unda O‘zbekiston va Tojikistonda futbolni rivojlantirish va ommalashtirish, futbol hakamlari va mutaxassislarini qayta tayyorlash va ularning o‘zaro tajriba almashishini ta’minlash bo‘yicha har tomonlama hamkorlikni yo‘lga qo‘yish masalalari keng muhokama etildi.
Shuningdek, Milliy hamda turli yosh toifalardagi futbol terma jamoalari o‘rtasida xalqaro musobaqalarni tashkil etish kelajakda o‘zbek-tojik xalqlari o‘rtasida nafaqat futbolni, balki o‘zaro qardoshlik aloqalarini rivojlantirishga katta hissa qo‘shishi mumkin ekanligi alohida ta’kidlandi.
Suhbat davomida TFF vise-prezidenti Dilshod Jurazoda O‘FA qoshida tashkil etilgan Futbol mutaxassislarini tayyorlash markazi faoliyatini yuqori baholadi va qizish bildirdi.
O‘z navbatida, Ravshan Ermatov Tojikiston futbol federasiyasi bilan o‘zaro hamkorlik qilishga tayyor ekanligini bildirib, delegasiyasi vakillariga tashrif va samimiy suhbat uchun minnatdorchilik izhor etdi.
