Hujumchi Ronaldu Portugaliyaganing Serbiya bilan JCH-2022 saralash o‘yinida (2:2) sardorlik bog‘ichi bilan bo‘lgan ziddiyatli epizoddan keyin fikr bildirdi.
«Portugaliya terma jamoasi sardori bu katta g‘urur va mening hayotimdagi eng katta imtiyozlardan biri. Men har doim Vatanim uchun hamma narsani beraman va bu hech qachon o‘zgarmaydi.
Ammo shunday qiyin paytlar bo‘ladiki, siz butun bir xalq qiynalayotganini his qilasiz. Boshni baland ko‘tarish va navbatdagi chaqiriqlarga shaylanish kerak! Olg‘a Portugaliya!», - deb yozgan Ronaldu o‘zining Instagram sahifasida.
Eslatib o‘tamiz, ikkinchi bo‘limga qo‘shilgan uchinchi daqiqada Krishtianu Ronaldu jarima maydoni tashqarisidan zarba bergan edi, Serbiya terma jamoasi himoyachilaridan biri esa to‘pni darvoza chizig‘i ichkarisidan qaytarib, chiqarib yubordi.
Portugaliyalik esa hakamga to‘p darvoza chizig‘ini kesib o‘tganini uqtirishga urindi, ammo hakam golni hisobga olmadi va g‘azablangan Ronalduga sariq kartochka ko‘rsatdi, shundan so‘ng u sardorlik bog‘ichini maydonga uloqtiridi.
