Xabar berganimizdek, O‘zbekiston U-22 terma jamoamiz FIFA kunlaridan unumli foydalangan holda Turkiyada yig‘in o‘tkazayapti va «Antaliya kubogi-2021» xalqaro turnirida ishtirok etmoqda.
Ravshan Haydarov yetakchiligidagi yoshlarimiz 1-turda Slovakiya terma jamoasiga 0:2 hisobida imkoniyatni boy berib qo‘ygan bo‘lsa, 2-turda Ukrainalik tengdoshlari bilan durang o‘ynagandi – 1:1. Bugun esa turnirning so‘nggi turidagi raqibimiz Qozog‘iston yoshlar terma jamoasi bo‘ladi.
O‘zbekiston U-22 terma jamoasining mazkur yig‘iniga Bekobodning “Metallurg” jamoasidan ham ikki nafar o‘yinchi jalb etilgan edi. Darvozabon Vladimir Vagin ortda qolgan ikki uchrashuvni ham zahirada qolgan bo‘lsa, hujumchimiz Mahmud Qudratillayev zahiradan o‘yinga qo‘shildi.
