Хабар берганимиздек, Ўзбекистон U-22 терма жамоамиз ФИФА кунларидан унумли фойдаланган ҳолда Туркияда йиғин ўтказаяпти ва «Анталия кубоги-2021» халқаро турнирида иштирок этмоқда.
Равшан Ҳайдаров етакчилигидаги ёшларимиз 1-турда Словакия терма жамоасига 0:2 ҳисобида имкониятни бой бериб қўйган бўлса, 2-турда Украиналик тенгдошлари билан дуранг ўйнаганди – 1:1. Бугун эса турнирнинг сўнгги туридаги рақибимиз Қозоғистон ёшлар терма жамоаси бўлади.
Ўзбекистон U-22 терма жамоасининг мазкур йиғинига Бекободнинг “Металлург” жамоасидан ҳам икки нафар ўйинчи жалб этилган эди. Дарвозабон Владимир Вагин ортда қолган икки учрашувни ҳам заҳирада қолган бўлса, ҳужумчимиз Маҳмуд Қудратиллаев заҳирадан ўйинга қўшилди.
