«Barselona»ning yangi prezidenti Xoan Laporta jamoa rahbariyatida o‘zgarishlar qilishda davom etmoqda.
RAC1 nashrining xabar qilishicha, Xuli Guyyu va Antoni Eskudero jamoaning yangi vise-prezidentlari bo‘ladi.
Ta’kidlanishicha, Guyyu marketing bo‘limini boshqaradi, Eskudero esa klubning ijtimoiy sohasida faoliyat yuritadi.
Shu bilan birga jamoani yuridik bo‘lim rahbari Roman Gomes Ponti va direktor Albert Soler tark etadi. Yaqin orada yana o‘zgarishlar bo‘lishi kutilmoqda.