Zlatan Ibrahimovich Shvetsiya terma jamoasiga besh yil deganda qaytdi. Yodingizda bor, yig‘lab yuborgani haqidagi video barcha tarmoqlarni aylandi. Uy sog‘inchi aralashib ketgan shekilli.

Shvetsiyalik yulduz “Milan”ga to‘qqiz yil deganda qaytgan, jamoasi uchun supernatijalar tuhfa etishni boshlagandayoq termaga qaytib qolsa kerak, deyilgandi. Qaytdi. Qaytdi va Shvesiyaning o‘yiniga mazmun kirdi.

Terma jamoa guruhida peshqadam. U kelgach uchta o‘yinda uchta g‘alaba. Zlatan ikki golga pas berdi. O‘z uslubida ikkisi ham. O‘yindan so‘ng intervyusida o‘z uslubida gapirdi: “Men hordiq olish uchun kelganman termaga”.

Men mana shu ikki jamoaga qaytishida o‘xshashlik sezgandekman. Shvetsiya terma jamoasi tarkibida yulduzlar deyarli yo‘q. Bir ikki futbolchi bor, Zlatan taniydigan. Qolganlari o‘ta past daraja. Ta’bir joiz bo‘lsa ham aytamiz, Ibra qaytgandagi "Milan"ga o‘xshash. Juda o‘xshash. Hozirda" rosseneri" chempionlik uchun kurashyapti va ko‘pgina yigitlari nom chiqarib qo‘ydi. Zlatanning sharofati bilan, albatta.

O‘ylashimcha, Shvetsiyaga ham o‘sha eksperementni ishlatishyapti. O‘xshab ketsa dahshat bo‘ladiya: Shvetsiya milliy jamoasi Yevropa chempionligiga da’vogarlik qilib qolsa...

Zlatan yana xotirjam aytsa kerak: "Nima qilay futbol Benjamin Battoni bo‘lsam..."

Xayrulla HAMIDOV.