Belarus chempionatining 3-turi doirasida BATE klubi o‘z uyida "Gomel"ni qabul qilib, irodali g‘alabaga erishdi.
Mehmonlar o‘yin boshida hisobni ochishgan bo‘lsa, taym so‘ngida mezbonlar muvozanatni tiklashdi.
Ikkinchi bo‘lim boshida maydonga tushgan Shahaboz Umarov bahsning 52 va 53-daqiqalarida raqib darvozasini ikki marta ishg‘ol qilishga muvaffaq bo‘lishdi.
Uchrashuv so‘ngida borisovliklar gol o‘tkazib yuborishganiga qaramay, g‘alabani saqlab qolishdi. BATE ushbu g‘alabadan so‘ng o‘z ochkolarini 7taga yetkazib, 3-o‘ringa ko‘tarilib oldi.
Belarus chempionati, 3-tur
BATE — Gomel — 3:2 (1:1)
Gollar: 0:1 — Vaskov (31). 1:1 — YA.Filipovich (40). 2:1 — Umarov (52). 3:1 — Umarov (53). 3:2 — Solovey (89).
