«Chelsi» klubi mashg‘ulotida himoyachi Antonio Ryudiger va darvozabon Kepa Arrisabalaga o‘rtasida mojaro yuz berdi.
O‘yin epizodi paytida futbolchilar o‘rtasida to‘qnashuv yuz bergan. Natijada ular bir-birlarini turtishni boshlashgan. Yakunda Ryudigerni mashg‘ulotdan chetlatishgan.
Oradan bir qancha vaqt o‘tib himoyachi klub bosh murabbiyi Tomas Tuxel va darvozabon Kepadan uzr so‘ragan.
Eslatib o‘tamiz, «Chelsi» shanba kuni o‘z maydonida «Vest Bromvich»ni qabul qilib, Tuxel boshqaruvidagi ilk mag‘lubiyatini tan oldi (2:5). Ryudiger va Kepa mazkur bahsni zaxira o‘rindig‘ida tomosha qilishgan edi.