«Vest Xem» ushbu mavsumda «MYU» dan ijaraga berilgan «bolg‘achilar» safida o‘ynaydigan yarimhimoyachi Jessi Lingard bilan ishlashni davom ettirmoqchi.
London klubi 28 yoshli angliyalik bilan to‘laqonli shartnoma imzolamoqchi, ammo «bolg‘achilar» boshliqlari «mankunianlar» rahbariyati futbolchi uchun juda yuqori narx belgilashidan qo‘rqishadi.
«Vest Xem»dan tashqari yarim himoyachi xizmatiga «Lester» ham qiziqmoqda.
Eslatib o‘tamiz, Lingard 2021 yilning qishida joriy jamoasiga o‘tgan edi. U 8 uchrashuvda 5 gol urib, ikkita golli uzatmani amalga oshirdi.
Futbolchi ketma-ket ikki marta (fevral va mart oylarida) Angliya Premyer-ligasining eng yaxshi o‘yinchisi sovriniga ham da’vogarlar qatoridan joy oldi.
