Myunxenning «Bavariya» klubi xavbeki Yozua Kimmix jamoasining PSJga qarshi javob bahsi oldidan fikr bildirdi. Uning so‘zlariga qaraganda «Bavariya» Parij klubidan kuchliroq.
«Bizning jamoa PSJga qaraganda ancha kuchliroq. Men bunga aminman. Birinchi uchrashuvda mag‘lubiyatga uchradik. Biroq o‘shanda hisob maydondagi o‘yinga mos emas edi.
Afsuski, biz o‘z potensialimizni natijada aks ettira olmadik. Ertangi bahsda psixologik kurash birlamchi planga chiqadi. Qaysi jamoaning irodasi kuchliroq bo‘lsa u keyingi bosqichda. Biz buni isbotlay olishimizga ko‘zim yetyapti», - deydi Kimmix.