Мюнхеннинг «Бавария» клуби хавбеки Йозуа Киммих жамоасининг ПСЖга қарши жавоб баҳси олдидан фикр билдирди. Унинг сўзларига қараганда «Бавария» Париж клубидан кучлироқ.
«Бизнинг жамоа ПСЖга қараганда анча кучлироқ. Мен бунга аминман. Биринчи учрашувда мағлубиятга учрадик. Бироқ ўшанда ҳисоб майдондаги ўйинга мос эмас эди.
Афсуски, биз ўз потенциалимизни натижада акс эттира олмадик. Эртанги баҳсда психологик кураш бирламчи планга чиқади. Қайси жамоанинг иродаси кучлироқ бўлса у кейинги босқичда. Биз буни исботлай олишимизга кўзим етяпти», - дейди Киммих.