Ro‘za tutmoqlikni niyat qilgan futbolchilar uchun klub va murabbiylar shtabi imkon qadar sharoit yaratib berishidan umidvormiz. Ya’nikim, kun tartibini tuzayotganda og‘iz yopish va ochish vaqtlarini inobatga olmoq, mashg‘ulotlarni kunning salqin mahalida o‘tkazmoqlik va h.

Zotan, Ramazon oyida futbolchilar uchun ham mas’uliyat ikki hissa ortadi. Chunki o‘yin ortida nafaqat futbolchi oilasi, balki butun bir jamoa, klub xizmatchilarining mehnati va bu orqali ular oilasiga kiradigan rizq masalasi, muxlislar ishonchi turibdi. Shu bois, mashg‘ulot yoki o‘yinga ham farz amal – ro‘zani tutishdagi mas’uliyat ila yondoshmoq darkor. Bu uchun futbolchilar mashg‘ulot va o‘yin uchun kuch asramoqliklari, zarur bo‘lmasa boshqa yumushlar bilan mashg‘ul bo‘lmay turishlari, tushlik mahali mizg‘ib olishni odat qilmoqliklari kerak.

Mavridida aytmoq istadimki, ro‘zador futbolchi va muxlislarni o‘ylab, mutasaddilarimiz ham Ramazon oyidagi o‘yinlarni og‘iz ochgandan keyin boshlasalar ajoyib bo‘lardi.