“Rossonerilar” hujumchisi Zlatan Ibrahimovich FIFA va UEFA qoidalarini buzgani uchun uzoq muddatga diskvalifikasiya qilinishi mumkin.

U bukmekerlik kontorasidagi noqonuniy ishlarda ayblanmoqda. FIFA va UEFA qoidalariga ko‘ra, agar futbolchilar bukmekerlik kontoralari bilan shug‘ullansa, tashkilot tasarrufi ostida o‘tadigan musobaqalarda ishtirok etishi ta’qiqlanadi.

Ibragimovich ushbu talabni “Milan” bilan Yevropa Ligasida qatnashganida va JCH-2022 saralashida Shvesiyadan qaytib kelganidan so‘ng buzgan. Bethard Ibra hali ham kompaniya ulushiga egalik qilishini tasdiqladi.

Reglamentni buzgani uchun hujumchi 100 ming yevrogacha jarimaga tortilishi hamda 3 yilgacha futbol bilan bog‘liq har qanday soha bilan shug‘ullanishdan chetlatilishi mumkin.