Londonning «Tottenxem» klubi bosh murabbiyi Joze Mourinyo «Everton»ga qarshi bahsda raqiblar foydasiga belgilangan penalti haqida fikr bildirdi.
«Bunga hech qanday ortiqcha izoh berolmayman. Yillar davomida takrorlangan bundayin holatlarga men shunchaki kulaman. O‘yinchilar ham bunga ortiqcha e’tiroz bildirishmadi.
Chunki referi o‘z qarorini chiqarib bo‘lgandi. Agar VAR buni tasdiqlagan taqdirda ham birinchi navbatda bosh hakamning hukmiga qaraladi. Bu yerda futbolchilarim to‘g‘ri qilishdi», - deydi Joze.
