Italiyaning «Fiorentina» klubi ommaviy axborot vositalariga boykot e’lon qildi.

Ushbu hodisa jamoaning A Seriya 31 turi doirasidagi «Sassuolo»ga qarshi o‘yindagi mag‘lubiyatdan so‘ng (1:3) sodir bo‘ldi. Biroq voqeaning asl sababi hozircha ma’lum qilinmagan.

Shu narsa ma’lumki, jamoa bosh murabbiyi Juzeppe Yakin va prezident Rokko Komisso bugungi mashg‘ulotlar oldidan va undan keyin jurnalistlarga intervyu bermaydi.

Ma’lumot uchun, ayni dam florensiyaliklar A Seriya turnir jadvalida 30 ochko bilan 15 o‘rinni band etgan.