"Barselona" jamoasi kecha bo‘lib o‘tgan uchrashuvda "Atletik" klubini 4:0 hisobida mag‘lub etdi va 720 kundan so‘ng nihoyat sovrin yutishga muvaffaq bo‘ldi. Ushbu bahsda "ko‘k-anorranglilar" raqibiga hech qanday imkoniyat qoldirmadi. Shuningdek, Kataloniya klubining 4 futbolchisining ko‘rsatgan o‘yini g‘alabada muhim rol o‘ynadi.
Antuan Grizmann
Kechagi bahsda Grizmann kam ko‘rinish berdi, ammo baribir o‘z hisobiga gol yozdirib qo‘yib, jamoa g‘alabasiga katta qo‘shdi. U jamoasining ilk golini urdi va shundan so‘ng "Barselona"ni to‘xtatib bo‘lmadi. Shuningdek, uning bir goli hisobga olinmadi. Umuman olganda, u nafaqat bu o‘yinda, balki butun turnir davomida jamoasining g‘alabalariga katta hissa qo‘shdi.
Jordi Alba
Uzoq vaqtdan buyon "Barselona"ning chap qanot himoyasidagi o‘rnini hech kimga bermay kelayotgan Alba kechagi o‘yinda o‘zining ushbu mavsumdagi eng yaxshi o‘yinlaridan birini ko‘rsatdi. Ispaniyalik himoyachini ba’zan standart futbolchi sifatida ayblashadi. Uning maksimal vazifasi to‘pni o‘z sheriklariga yoki Messiga aniq yetkazib berish deb hisoblaydi ba’zilar, ammo aslida Alba maydonda katta funksiyani bajaradi. U hujumlarni keskinlashtirib beradi va qanotdan beriladigan havfli uzatmalari bilan himoyachilarni shoshirib qo‘yadi. Kechagi o‘yinda ham u ikta golga asssitentlik qildi va uning ham bu chempionlikda hissasi tengsiz.
Frenkiye De Yong
Kataloniya klubining markazini deyarli o‘ziniki qilib olayotgan De Yong o‘zining yorqin o‘yinlari bilan muxlislarni xursand qilmoqda. Niderlandiyalik yarim himoyachi ushbu mavsumda gollarda ham faol qatnashmoqda. Kechagi uchrashuvda ham u jamoasining eng yaxshilaridan biri bo‘ldi. 23 yoshli futbolchi "Atletik"ga qarshi final o‘yinida 1 ta gol urdi va 2 ta assistni o‘z hisobiga yozdirib qo‘ydi. Aslida tayanch yarim himoyachi bo‘lgan De Yong so‘nggi paytlarda haqiqiy xavbekka aylanib bormoqda.
Lionel Messi
Messi uchun bunday sovrinlar yutish tabiiy hol, ammo klubning so‘nggi davrlardagi muvaffaqiyatsiz natijalaridan so‘ng, ushbu chempionlikning qiymatini yuqori baholasak bo‘ladi. Qachonki "Barselona" g‘alaba qozonsa va yorqin o‘yin ko‘rsatsa, bilingki buning asosiy sababchisi 90% hollarda bir futbolchi ya’ni Messi. Kecha Bilbao klubi mag‘lub etilgan o‘yinda u 2 ta gol urdi va haqli raqishda o‘yinning eng yaxshisi bo‘ldi. Hamon Leo va uning jamoasining sovrinlar uchun kurashishga kuchi yetadi. Bu mavsum jamoa uchun juda omadli kelmadi. Klub YECHL tark etdi va La Ligada ham 2 raqibidan ortda bormoqda, lekin bu natijalarni boshqacha talqin qilsa bo‘ladi ya’ni kelgusidagi katta yutuqlar uchun qurbon bo‘lgan mavsum.
Xudayqulov KARIM tayyorladi
