"Барселона" жамоаси кеча бўлиб ўтган учрашувда "Атлетик" клубини 4:0 ҳисобида мағлуб этди ва 720 кундан сўнг ниҳоят соврин ютишга муваффақ бўлди. Ушбу баҳсда "кўк-анорранглилар" рақибига ҳеч қандай имконият қолдирмади. Шунингдек, Каталония клубининг 4 футболчисининг кўрсатган ўйини ғалабада муҳим роль ўйнади.

Антуан Гризманн

Кечаги баҳсда Гризманн кам кўриниш берди, аммо барибир ўз ҳисобига гол ёздириб қўйиб, жамоа ғалабасига катта қўшди. У жамоасининг илк голини урди ва шундан сўнг "Барселона"ни тўхтатиб бўлмади. Шунингдек, унинг бир голи ҳисобга олинмади. Умуман олганда, у нафақат бу ўйинда, балки бутун турнир давомида жамоасининг ғалабаларига катта ҳисса қўшди.

Жорди Альба

Узоқ вақтдан буён "Барселона"нинг чап қанот ҳимоясидаги ўрнини ҳеч кимга бермай келаётган Альба кечаги ўйинда ўзининг ушбу мавсумдаги энг яхши ўйинларидан бирини кўрсатди. Испаниялик ҳимоячини баъзан стандарт футболчи сифатида айблашади. Унинг максимал вазифаси тўпни ўз шерикларига ёки Мессига аниқ етказиб бериш деб ҳисоблайди баъзилар, аммо аслида Альба майдонда катта функцияни бажаради. У ҳужумларни кескинлаштириб беради ва қанотдан бериладиган ҳавфли узатмалари билан ҳимоячиларни шошириб қўяди. Кечаги ўйинда ҳам у икта голга ассситентлик қилди ва унинг ҳам бу чемпионликда ҳиссаси тенгсиз.

Френкие Де Йонг

Каталония клубининг марказини деярли ўзиники қилиб олаётган Де Йонг ўзининг ёрқин ўйинлари билан мухлисларни хурсанд қилмоқда. Нидерландиялик ярим ҳимоячи ушбу мавсумда голларда ҳам фаол қатнашмоқда. Кечаги учрашувда ҳам у жамоасининг энг яхшиларидан бири бўлди. 23 ёшли футболчи "Атлетик"га қарши финал ўйинида 1 та гол урди ва 2 та ассистни ўз ҳисобига ёздириб қўйди. Аслида таянч ярим ҳимоячи бўлган Де Йонг сўнгги пайтларда ҳақиқий хавбекка айланиб бормоқда.

Лионель Месси

Месси учун бундай совринлар ютиш табиий ҳол, аммо клубнинг сўнгги даврлардаги муваффақиятсиз натижаларидан сўнг, ушбу чемпионликнинг қийматини юқори баҳоласак бўлади. Қачонки "Барселона" ғалаба қозонса ва ёрқин ўйин кўрсатса, билингки бунинг асосий сабабчиси 90% ҳолларда бир футболчи яъни Месси. Кеча Билбао клуби мағлуб этилган ўйинда у 2 та гол урди ва ҳақли рақишда ўйиннинг энг яхшиси бўлди. Ҳамон Лео ва унинг жамоасининг совринлар учун курашишга кучи етади. Бу мавсум жамоа учун жуда омадли келмади. Клуб ЕЧЛ тарк этди ва Ла Лигада ҳам 2 рақибидан ортда бормоқда, лекин бу натижаларни бошқача талқин қилса бўлади яъни келгусидаги катта ютуқлар учун қурбон бўлган мавсум.

                                                                                                 Худайқулов КАРИМ тайёрлади