Bir necha kun oldin biz deyarli xalqaro musobaqalarni o‘tkazish imkoniyati bo‘lmagan Rossiyaning ichki qismidagi stadionlar bo‘ylab sayohat qildik. O‘ylaymizki, ushbu rasmlar sizga juda yoqqan. Shuning uchun ham biz ushbu materialning 3-qismini sizlarga taqdim etishga qaror qildik.

Kirovskdagi "Gornyak" stadioni (Murmansk viloyati). Ushbu maydonda mahalliy "Apatit", "Xibiniy" hamda "Murmansk Sever" kabi jamoalar o‘z uy uchrashuvlarini o‘tkazishdi.

Bu yer Sverdlovsk viloyati, Kachkanar shahridagi "Miner" stadioni. Arena Nijnekachkanar suv ombori bo‘yida joylashgan. Mahalliy "Konchi" jamoasi viloyat chempionati uchrashuvlarini ushbu maydonda qabul qiladi.

Rossiyaning eng qadimgi shaharlaridan biri - Rostovda joylashgan "Spartak" stadioni. Sovet Ittifoqi filmining qahramonlari "Ivan Vasilevich kasbini o‘zgartiradi" filmi aynan shaharda suratga olingan.

Valday ko‘li bo‘yidagi "Yupiter" stadioni. Agar, ushbu joylarni avtoulovda sayohat qilsangiz, ushbu stadionga ko‘zingiz tushishi mumkin. Chunki, Valday ko‘li YE-105 shossesining o‘rtasida joylashgan.

Perm o‘lkasining Chaykovskiy shahridagi markaziy stadion. 2002 yilgacha "Energiya" futbol klubi Rossiya chempionatining ikkinchi ligasida o‘ynagan va bu yerda uy uchrashuvlarini o‘tkazgan.

Qora dengiz sohilida ham futbol uchrashuvlari bo‘lib turadi. Bu ilgari "Molnya" nomi bilan tanilgan futbol jamoasining stadioni. Ushbu arenaning nomi - "Vodnik".

Yaltadagi "Avangard" stadioni. Siz stadionga emas, atrofning go‘zalligdan bahra oling.

Yana bitta "Miner" nomli stadion. Ammo, bu maydon Sverdlovsk viloyati Degtyarsk shahrida joylashgan. Orqa tomondagi tepalikda Pirit koni joylashgan bo‘lib, atrofida 1914 yilda Degtyarka qishlog‘i vujudga kelgan. Ushbu qishloq 40 yildan keyin Degtyarsk shahriga aylanadi.

Biz Sankt-Peterburgdan Moskva shahriga qaytamiz. Bu yerda "Bologoy" jamoasi Tver viloyati chempionati doirasidagi uy uchrashuvlarini o‘tkazadi. Afsuski, ushbu joy yaqinda o‘ziga xos joziba beradigan narsani yo‘qotdi: Sababi, burchakdagi burmalangan yog‘och uy buzib tashlangan.

Chevoksaridagi "Volga" stadioni. Ushbu maydon "Brilliant" futbol klubi Chuvashiya chempionati doirasidagi uy uchrashuvlarini qabul qiladi.

Moskva viloyati Istra shahridagi Elektromexanika ilmiy-tadqiqot instituti stadioni. Keyingi bino - Yangi IYErusalim monastiri. Ushbu hudud Istraning asosiy diqqatga sazovor joylaridan biri. Mazkur monastrga 1656 yilda Patriarx Nikon tomonidan asos solingan.

Vladivostokdan 50 kilometr uzoqlikdagi Artem shahrida sanoat zavodi va uning yaqinida joylashgan kichik arena.

Birobidjon shaharchasidagi "Drujba" stadioni. Ushbu maydon Bira daryosi bo‘yida joylashgan.

Asha shahridagi stadion. So‘nggi o‘n yil ichida mahalliy "Metallurg" futbol klubi Chelyabinsk viloyati ichki chempionatini deyarli barcha mavsumida g‘alaba qozongan. Ushbu g‘alabalarning hammasiga mazkur stadion guvoh bo‘lgan desak, adashmaymiz.

Ko‘rib turgan maydoningiz Yenisey daryosi bo‘yida joylashgan. Stadionda mahalliy futbol klublari turli musobaqalardagi uchrashuvlarini, ushbu stadionda qabul qiladi.

Birinchi qism: https://stadion.uz/n/278592/t

Ikkinchi qism: https://m.stadion.uz/n/281578/t

Jamshidjon Mahmudov tayyorladi.