«Real Madrid» hamda yangi tashkil etilgan Yevropa Superligasi prezidenti Florentino Peres UYEFA hamda FIFA tomonidan qo‘llanilishi mumkin bo‘lgan ehtimoliy sanksiyalar haqida gapirdi.
«Superliga futbolchilari UYEFA milliy jamoalarida o‘ynashlariga yo‘l qo‘yilmaydi? Xavotir olmang, unday bo‘lmaydi. Agar ular Superligaga qo‘shilsa, boshqa turnirlar doirasida o‘ynashlari taqiqlanmaydi.
Shuningdek, «Real», «Manchester Siti» va «Chelsi» jamoalari ham Chempionalr Ligasi yoki o‘z milliy chempionatlarida diskvalifikasiya qilinmaydilar. Men bunga 100% aminman», - deydi Peres.
Eslatib o‘tamiz, UYEFA Yevropa Superligasining tashkil qilinishini keskin qoraladi va tashabbuskori bo‘lgan klublar o‘z mamlakatlari chempionatlarida o‘ynash huquqidan mahrum bo‘lishini aytdi.
Bundan tashqari, ushbu jamoalarning futbolchilari milliy terma jamoalarda o‘ynay olmasliklarini ma’lum qildi.
