«Реал Мадрид» ҳамда янги ташкил этилган Европа Суперлигаси президенти Флорентино Перес УЕФА ҳамда ФИФА томонидан қўлланилиши мумкин бўлган эҳтимолий санкциялар ҳақида гапирди.

«Суперлига футболчилари УЕФА миллий жамоаларида ўйнашларига йўл қўйилмайди? Хавотир олманг, ундай бўлмайди. Агар улар Суперлигага қўшилса, бошқа турнирлар доирасида ўйнашлари тақиқланмайди.

Шунингдек, «Реал», «Манчестер Сити» ва «Челси» жамоалари ҳам Чемпионалр Лигаси ёки ўз миллий чемпионатларида дисквалификация қилинмайдилар. Мен бунга 100% аминман», - дейди Перес.

Эслатиб ўтамиз, УЕФА Европа Суперлигасининг ташкил қилинишини кескин қоралади ва ташаббускори бўлган клублар ўз мамлакатлари чемпионатларида ўйнаш ҳуқуқидан маҳрум бўлишини айтди.

Бундан ташқари, ушбу жамоаларнинг футболчилари миллий терма жамоаларда ўйнай олмасликларини маълум қилди.