«Arsenal» ushbu yozda «Sassuolo» va Italiya terma jamoasi yarimhimoyachisi Manuel Lokatelli bilan shartnoma imzolashni rejalashtirmoqda, deb xabar beradi Il Resto del Carlino.

Londonliklar yarimhimoyachi yordamida o‘rta chiziqlarini kuchaytirishni o‘ylamoqdalar, ammo buning uchun ular bir qator top-klublarning raqobatiga dosh berishga majbur.

Italiyalikning xizmatlariga «kanonirlar»dan tashqari «Yuventus» hamda «Manchester Siti» ham qiziqish bildirmoqda.

Joriy mavsumda yarimhimoyachi o‘zini yaxshi ko‘rsatdi, bu esa Yevropaning turli jamoalari skautlarining e’tiborini tortishga sabab bo‘ldi.

Lokatelli Italiya chempionatining 2020/2021 yilgi mavsumida «Sassuolo» tarkibida 27 o‘yin o‘tkazgan va 3 gol urib, 2 golli uzatma amalga oshirgan.