«Арсенал» ушбу ёзда «Сассуоло» ва Италия терма жамоаси яримҳимоячиси Мануэл Локателли билан шартнома имзолашни режалаштирмоқда, деб хабар беради Il Resto del Carlino.
Лондонликлар яримҳимоячи ёрдамида ўрта чизиқларини кучайтиришни ўйламоқдалар, аммо бунинг учун улар бир қатор топ-клубларнинг рақобатига дош беришга мажбур.
Италияликнинг хизматларига «канонирлар»дан ташқари «Ювентус» ҳамда «Манчестер Сити» ҳам қизиқиш билдирмоқда.
Жорий мавсумда яримҳимоячи ўзини яхши кўрсатди, бу эса Европанинг турли жамоалари скаутларининг эътиборини тортишга сабаб бўлди.
Локателли Италия чемпионатининг 2020/2021 йилги мавсумида «Сассуоло» таркибида 27 ўйин ўтказган ва 3 гол уриб, 2 голли узатма амалга оширган.
