Osiyo Chempionlar Ligasining 2-turi yakunlari bo‘yicha haftaning eng yaxshi o‘yinchisi aniqlandi.
Unga ko‘ra, AGMK hujumchisi Zafar Polvonov 8,3 ball bilan birinchi o‘rinni qo‘lga kiritgan. O‘zbekistonlik hujumchi Tojikistonning «Istiqlol» klubiga qarshi kechgan o‘yinda (2:3) ikkita gol urgandi.
Keyingi o‘rinlarda Shahriyor Mog‘anlu («Persipolis»), Dheraj Singh («Goa»), Muhammad al-Burayk («Al-Hilol») va Andre Karrilyo («Al-Hilol») kabi futbolchilar qayd etildi.
Zafar Polvonov shuningdek, tur ramziy terma jamoasidan ham o‘rin olgandi.
AGMK forvardi 2-turdan keyin 3 ta gol bilan musobaqa to‘purarlari ro‘yxatida yetakchilik qilmoqda.
