Осиё Чемпионлар Лигасининг 2-тури якунлари бўйича ҳафтанинг энг яхши ўйинчиси аниқланди.

Унга кўра, АГМК ҳужумчиси Зафар Полвонов 8,3 балл билан биринчи ўринни қўлга киритган. Ўзбекистонлик ҳужумчи Тожикистоннинг «Истиқлол» клубига қарши кечган ўйинда (2:3) иккита гол урганди.

Кейинги ўринларда Шаҳриёр Моғанлу («Персиполис»), Дҳераж Сингҳ («Гоа»), Муҳаммад ал-Бурайк («Ал-Ҳилол») ва Андре Каррильо («Ал-Ҳилол») каби футболчилар қайд этилди.

Зафар Полвонов шунингдек, тур рамзий терма жамоасидан ҳам ўрин олганди.

АГМК форварди 2-турдан кейин 3 та гол билан мусобақа тўпурарлари рўйхатида етакчилик қилмоқда.