«Renn» yarim himoyachisi Eduardu Kamavinga faoliyatini Germaniya bundesligasida davom ettirishi mumkin. Fransiyalik 18 yoshli futbolchiga Myunxenning «Bavariya» klubi qiziqish bildirmoqda. Bu haqda France Football nashri xabar tarqatdi.
«Bavariya» Kamavingani yozgi transferlar bozori paytida sotib olishga jiddiy harakat qilishmoqda. Klub rahbarlarining fikricha, Eduardu maydon markazida Yozua Kimmix va Leon Goreskalarga raqobat qilishga qodir ekan. Shuningdek, Kamavingani Madridning «Real» klubi ham o‘z tarkibida ko‘rmoqchi.
«Renn» uning transferidan 80 mln yevro ishlab olmoqchi. Transfermarkt xavbekning transferini 60 mlnga baholamoqda. Eduarduning «Renn» bilan kelishuvi 2022 yilning yozida nihoyasiga yetadi.