Londonning «Tottenxem» klubi prezidenti Daniel Levi Yevropa Superligasi haqida fikrlarini bildirdi. U muxlislardan o‘z uzrini so‘radi.
«Biz afsusdamiz. Dastlabki qarorimiz bilan ko‘pchilikni ishontirishga harakat qilib ko‘rdik. "Tottenxem" ham ushbu ligaga qo‘shilishni ma’qul ko‘rgandi. Chunki ayni paytdagi nuqtayi nazardan kelib chiqib qo‘shimcha daromad har narsadan ustun bo‘lib ko‘ringani rost.
Biroq futbol faqat pulga qurilmagan. Bu tizim omonat. Unda ko‘pchilikni rozi qilishga to‘g‘ri keladi. Men ushbu harakatga o‘z ovozini bergan barcha muxlislarimizga tashakkur aytaman", - deydi Levi.
Eslatib o‘tamiz, APLning barcha klublari ushbu loyihaga qarshi ovoz berib bo‘lishdi.
