Kecha O‘zbekiston futbol assosiasiyasining mutasaddi va mutaxassislari Sirdaryo viloyatiga tashrif buyurdi.
Tashrif mobaynida O‘FA vakillari hamda viloyat futbol faxriylaridan iborat jamoalar o‘rtasida o‘rtoqlik uchrashuvi o‘tkazildi. O‘yin yuqori kayfiyatda o‘tdi va O‘FA jamoasi 4-2 hisobida g‘alaba qozondi.
Shundan so‘ng, O‘FA birinchi vise-prezident maslahatchisi Raxmiddin Zikriyayev va Sirdaryo viloyat hokimi G‘ofurjon Mirzayev ishtirokida uchrashuv tashkil etilib, viloyatda futbol ommaviyligini oshirish va bolalar-o‘smirlar futbolini yanada rivojlantirish bo‘yicha amalga oshirilayotgan ishlar va kelajakdagi istiqbolli loyihalar muhokama etildi.
Uchrashuv yakunida Raxmiddin Zikriyayev viloyat hokimi G‘ofurjon Mirzayevni tavallud ayyomi bilan tabriklab, O‘zbekiston futbol assosiasiyasi nomidan samimiy muborakbod etdi.
