O‘zbekiston Coca Cola kubogi guruh bosqichi 2-turidan o‘rin olgan bahsda “Navbahor” safarda Zominning “Zomin” jamoasi mehmoni bo‘ladi.

Muxlislar mazkur jamoa haqida kam ma’lumotga ega bo‘lishgani bois, raqib borasida batafsil to‘xtalib o‘tishni ma’qul deb topdik.  

Jizzax viloyati, Zomin shahrining “Zomin” jamoasi 2004 yili tashkil topgan.

2005-2012 yillarda Jizzax viloyati birinchiligida qatnashgan. 2012 yildan buyon Birinchi ligada qatnashmoqda. “Zomin”ni Asqar Umarov boshqarmoqda. Jamoa joriy yilgi mavsumni muvaffaqiyatli tarzda boshlab, dastlabki turda safarda Uychining “Paxtakor - 79” (2:0), 2-turda esa o‘z maydonida “Bunyodkor - farm” (2:0) jamoalarini mag‘lubiyatga uchratgan holda, 6 ochko to‘plagan holda, 2-turdan so‘ng, Birinchi ligada peshqadamlik qilayotgandi.

25 aprel kuni esa farm-jamoamiz “Lokomotiv - BFK” (2:0) ustidan g‘alaba qozonib, o‘z ochkolari sonini 7 taga yetkazib oldi hamda turnir jadvalida 1-o‘ringa ko‘tarilib oldi.

Eslatib o‘tamiz, “Zomin” - “Navbahor” uchrashuvi bugun Zomindagi “Zomin” stadionida soat 16:20da start oladi.

“Navbahor” PFK matbuot xizmati.