«Yuventus»ning sobiq futbolchisi Anjelo Di Livio «Byankoneri» yulduzi Krishtianu Ronalduga qarshi o‘z fikrlarini bildirdi. Di Livio portugaliyalikni eng yaxshi formada emas deb hisoblaydi.
«Menimcha, Ronaldu tanho bo‘lmasligi kerak. U stabil formada emas va endi «Yuventus» kuchli to‘rtlikdan joy olish uchun kurashayotgan ekan, maydonga eng yaxshi o‘yinchilar kirishi kerak. Pirlo mashg‘ulotlarda har bir o‘yinchini baholashi va shu asosda asosiy tarkibni shakllantirishi lozim.
Ronaldu doimiy ravishda o‘yin nazoratini o‘z qo‘liga oladi, ammo so‘nggi uchrashuvlarda u tez-tez xatolarga yo‘l qo‘ymoqda.
Nazarimda u vaqti-vaqti bilan zaxiradan maydonga tushishi kerak. Buning hech qanday yomon joyi yo‘q. Ko‘plab buyuk chempionlar zaxirada o‘tirishdi", - deydi Di Livio.
