«Ювентус»нинг собиқ футболчиси Анжело Ди Ливио «Бьянконери» юлдузи Криштиану Роналдуга қарши ўз фикрларини билдирди. Ди Ливио португалияликни энг яхши формада эмас деб ҳисоблайди.
«Менимча, Роналду танҳо бўлмаслиги керак. У стабил формада эмас ва энди «Ювентус» кучли тўртликдан жой олиш учун курашаётган экан, майдонга энг яхши ўйинчилар кириши керак. Пирло машғулотларда ҳар бир ўйинчини баҳолаши ва шу асосда асосий таркибни шакллантириши лозим.
Роналду доимий равишда ўйин назоратини ўз қўлига олади, аммо сўнгги учрашувларда у тез-тез хатоларга йўл қўймоқда.
Назаримда у вақти-вақти билан захирадан майдонга тушиши керак. Бунинг ҳеч қандай ёмон жойи йўқ. Кўплаб буюк чемпионлар захирада ўтиришди", - дейди Ди Ливио.