Madridning «Real» klubi yozda PSJ hujumchisi Kilian Mbappeni sotib olish umidini yo‘qotmaydi.

AS xabariga ko‘ra, qirollik klubi fransuzni sotib olishning yangi strategiyasi haqida o‘ylamoqda, chunki avvalgisi Evropa Superligasi startining to‘xtatilishi tufayli amalga oshirib bo‘lmaydigan bo‘lib qolgan.

Yaqin kelajakda yangi musobaqani boshlash imkoni bo‘lmagani uchun, «qaymoqranglilar» unda ishtirok etishdan qat’iy moliyaviy foydalarga umid qilishmaydi.

22 yoshli futbolchining o‘zi allaqachon parijliklarning shartnomani uzaytirish bo‘yicha takliflarini uch marta rad etgan, ammo bu uning mavsum oxirida albatta ketishini anglatmaydi.

Mbappening bozor qiymati 160 million yevroga baholanmoqda. Oldinroq «Real» uning transferi uchun ulkan kredit olgani haqida xabar berilgan edi.