Yevropaning bir qator klublari "Bavariya" va Polsha terma jamoasi hujumchisi Robert Levandovskini sotib olishga qiziqish bildirmoqda, deb xabar beradi nemis nashrlari
Futbolchining klub bilan amaldagi shartnomasi muddati 2023 yil 30 iyunda tugaydi va shartnomada tovon puli to‘g‘risida band yo‘q.
Sky Sport jurnalisti Maks Bilefyeld xabar beradi: "Bizning ma’lumotimizga ko‘ra, Yevropaning bir nechta top-klublari Levandovskini nishonga olishmoqda. "Bavariya" allaqachon bir qator rasmiy so‘rovlarni qabul qilgan. Biz bu klublarning nomlarini hozircha ayta olmaymiz. Ammo buni aniqlash uchun ish olib bormoqdamiz. Ko‘plab jiddiy klublar yangi forvard izlamoqda. Masalan, "Manchester Yunayted". "Chelsi" Temmi Abrahamdan unchalik mamnun emas. "Real" Mbappeni xohlamoqda, ammo u markaziy hujumchini ham sotib olmoqchi. "Barselona" ham markazga hujumchi qidirmoqda. Levandovskiga kelsak, 80 mln yevrodan pastroq mablag‘ haqida gap bo‘lmaydi", - deydi jurnalist.
32 yoshli Levandovski ushbu mavsumda "Bavariya" bilan barcha musobaqalarda 37 uchrashuv o‘tkazib 47 ta gol va 8 ta golli uzatmani amalga oshirgan.
