Angliyaning «Manchester Yunayted» va Portugaliya terma jamoasi yarimhimoyachisi Bruno Fernandesh professional futbolchilik faoliyati yakunida murabbiy bo‘lishni istayotganini ma’lum qildi.
«Men futbol o‘ynashni to‘xtatganimdan so‘ng murabbiy bo‘lishni juda xohlayman. Menda futbolga bo‘lgan ishtiyoq kuchli va imkon qadar uning bir qismida bo‘lib qolish niyatim bor.
Futbol ichida bo‘lishni xohlayman, hayotim shu o‘yinga bag‘ishlangan va kelajakda ham shunday bo‘lishi kerak", - deya Brunoning so‘zlarini keltiradi klub rasmiy sayti.
Ma’lumot uchun, APLning joriy mavsumida Fernandesh 16 ta gol va 11 ta golli uzatmani amalga oshirdi.
