Англиянинг «Манчестер Юнайтед» ва Португалия терма жамоаси яримҳимоячиси Бруно Фернандеш профессионал футболчилик фаолияти якунида мураббий бўлишни истаётганини маълум қилди.
«Мен футбол ўйнашни тўхтатганимдан сўнг мураббий бўлишни жуда хоҳлайман. Менда футболга бўлган иштиёқ кучли ва имкон қадар унинг бир қисмида бўлиб қолиш ниятим бор.
Футбол ичида бўлишни хоҳлайман, ҳаётим шу ўйинга бағишланган ва келажакда ҳам шундай бўлиши керак", - дея Брунонинг сўзларини келтиради клуб расмий сайти.
Маълумот учун, АПЛнинг жорий мавсумида Фернандеш 16 та гол ва 11 та голли узатмани амалга оширди.
