“Real” himoyachisi Daniyel Karvaxal Chempionlar Ligasi yarim final dastlabki bahsi doirasida “Chelsi”ga qarshi kechgan uchrashuvda (1:1) jarohat oldi.
29 yoshli ispaniyalik futbolchi oyoq mushaklarini shikastlab olgan. Shu bilan Karvaxal mavsum oxirigacha safdan chiqdi, deya xabar qilmoqda AS.
Futbolchi Chempionlar Ligasi finaliga qadar tiklanishi mumkin, biroq Karvaxal “Real” finalga chiqqan taqdirda ham mazkur o‘yinga qadar formaga kira olmasligi katta ehtimol.
Daniel turli jarohatlar sabab La Liga joriy mavsumida bor-yo‘g‘i 13 ta o‘yin o‘tkazdi. U endigina asosiy tarkibga qaytgandi.
Eslatib o‘tamiz, ayni vaqtda himoyachilar Serxio Ramos va Ferlan Mendi jarohat tufayli madridliklarga yordam bera olmayapti.
