"Barselona"ning ikkinchi murabbiyi Alfred Shreder «Valensiya» bilan o‘yindan so‘ng (3:2) jamoaning holati haqida gapirdi.
«Granada bilan o‘yindagi natija bizga hech qanday salbiy ta’sir ko‘rsatmadi. Birinchi bo‘limda yaxshi o‘ynadik. G‘alaba qozonishga loyiq edik deb o‘ylayman. Yigitlar yaxshi ishlashdi. Ular xarakterga ega ekanliklarini namoyish etishdi.
Biz ayni paytda boshqalarning natijalariga qaramaymiz. To‘rtta o‘yinda g‘alaba qozonishimiz kerak. «Atletiko»ga qarshi o‘yin muhim, ammo bu hal qiluvchi final emas. Biz uchun final to‘rtta o‘yindan iborat.
Barselonada hamma bir-biriga ishonadi. Yanvar oyida "Atletiko" bilan oradagi farq ancha katta edi. Endi keyingi o‘yinda g‘alaba qozonsak, ularni quvib o‘tamiz", - deya xulosa qildi murabbiy.
