"Барселона"нинг иккинчи мураббийи Алфред Шредер «Валенсия» билан ўйиндан сўнг (3:2) жамоанинг ҳолати ҳақида гапирди.
«Гранада билан ўйиндаги натижа бизга ҳеч қандай салбий таъсир кўрсатмади. Биринчи бўлимда яхши ўйнадик. Ғалаба қозонишга лойиқ эдик деб ўйлайман. Йигитлар яхши ишлашди. Улар характерга эга эканликларини намойиш этишди.
Биз айни пайтда бошқаларнинг натижаларига қарамаймиз. Тўртта ўйинда ғалаба қозонишимиз керак. «Атлетико»га қарши ўйин муҳим, аммо бу ҳал қилувчи финал эмас. Биз учун финал тўртта ўйиндан иборат.
Барселонада ҳамма бир-бирига ишонади. Январь ойида "Атлетико" билан орадаги фарқ анча катта эди. Энди кейинги ўйинда ғалаба қозонсак, уларни қувиб ўтамиз", - дея хулоса қилди мураббий.
