«Manchester Yunayted» muxlislari uyushmasi «Old Trafford» stadioni va uning atrofida klub egasi — Gleyzerlar oilasiga qarshi norozilik namoyishlaridan so‘ng bayonot bilan chiqdi.

«Gleyzerlar oilasi 16 yillik davrda klubdan milliard funt sterlingni olib qo‘ydi va biz maydonda ham, uning tashqarisida ham jamoaning tanazzuli hamda pasayishiga guvoh bo‘ldik. Asossiz Superliga takliflari va Gleyzerlarning «uzrli» sabablari... Muxlislarga «Yunayted»ning katta ulushi berilishi kerak. 

Hukumat harakat qilishi kerak. Ishqibozlar o‘z klublari ulushini sotib olish imkoniyatiga ega bo‘lishlarini ta’minlaydigan vaqt keldi. Xususiy aksiyadorlar futbol klublarimizning nazorat paketiga egalik qilmasligi kerak. Bu huquq aksiyadorlarga jamoa manfaatlarini suiiste’mol qilishga imkon bermoqda.

Egalik huquqini qaytarib olish vaqti keldi. Hukumat muxlislar ovoziga quloq solishi kerak», – deyiladi bayonotda.