«Манчестер Юнайтед» мухлислари уюшмаси «Олд Траффорд» стадиони ва унинг атрофида клуб эгаси — Глейзерлар оиласига қарши норозилик намойишларидан сўнг баёнот билан чиқди.

«Глейзерлар оиласи 16 йиллик даврда клубдан миллиард фунт стерлингни олиб қўйди ва биз майдонда ҳам, унинг ташқарисида ҳам жамоанинг таназзули ҳамда пасайишига гувоҳ бўлдик. Асоссиз Суперлига таклифлари ва Глейзерларнинг «узрли» сабаблари... Мухлисларга «Юнайтед»нинг катта улуши берилиши керак. 

Ҳукумат ҳаракат қилиши керак. Ишқибозлар ўз клублари улушини сотиб олиш имкониятига эга бўлишларини таъминлайдиган вақт келди. Хусусий акциядорлар футбол клубларимизнинг назорат пакетига эгалик қилмаслиги керак. Бу ҳуқуқ акциядорларга жамоа манфаатларини суиистеъмол қилишга имкон бермоқда.

Эгалик ҳуқуқини қайтариб олиш вақти келди. Ҳукумат мухлислар овозига қулоқ солиши керак», – дейилади баёнотда.