«Vest Xem» bosh murabbiyi Devid Moyes avvalroq klubga yangi hujumchi kerakligini tasdiqlagandi. Biroq jamoa yanvar oyida yangi forvard bilan shartnoma imzolay olmadilar.

Hozirda «Chelsi» futbolchisi Temmi Abraxam shotlandiyalik murabbiyning e’tiboriga tushgan. Ammo bolg‘achilar futbolchi uchun so‘ralgan summani to‘lashga tayyor emaslar.

«Yanvar oyida Alleni sotganimizdan so‘ng o‘zimizni o‘nglashimiz qiyin kechdi. Yangi hujumchi borasida ikki-uchta nomzodni ko‘rib chiqdik, ammo kelishib olishda muammolarga uchradik. Men shunchaki zaxira o‘rindig‘ida o‘tiradigan futbolchini olishni xohlamayman.

Agar «Chelsi» Abraxam uchun 45 million so‘rasa, bu o‘z-o‘zidan bizni poygadan chiqib ketganligimizni anglatadi. Bizda bunday pul yo‘q», - deydi Moyes.