«Вест Хем» бош мураббийи Дэвид Мойес аввалроқ клубга янги ҳужумчи кераклигини тасдиқлаганди. Бироқ жамоа январь ойида янги форвард билан шартнома имзолай олмадилар.
Ҳозирда «Челси» футболчиси Тэмми Абрахам шотландиялик мураббийнинг эътиборига тушган. Аммо болғачилар футболчи учун сўралган суммани тўлашга тайёр эмаслар.
«Январь ойида Аллени сотганимиздан сўнг ўзимизни ўнглашимиз қийин кечди. Янги ҳужумчи борасида икки-учта номзодни кўриб чиқдик, аммо келишиб олишда муаммоларга учрадик. Мен шунчаки захира ўриндиғида ўтирадиган футболчини олишни хоҳламайман.
Агар «Челси» Абрахам учун 45 миллион сўраса, бу ўз-ўзидан бизни пойгадан чиқиб кетганлигимизни англатади. Бизда бундай пул йўқ», - дейди Мойес.
