Turinning "Yuventus" klubi yozgi transfer oynasida yarimhimoyachi Federiko Bernardeskini sotmoqchi, deb xabar bermoqda Tuttosport.

Manbaning xabariga ko‘ra, Turin klubi rahbariyati futbolchiga umid bog‘lamaydi va uni yozda transferga qo‘yadi. Bernardeskining "Yuventus" bilan shartnomasi bir yildan so‘ng tugaydi, shuning uchun uning transfer summasi katta bo‘lmaydi.

Joriy mavsumda 27 yoshli Bernardeski "Yuventus" tarkibida barcha musobaqalarda 38 o‘yin o‘tkazgan va uchta golli uzatmaga mualliflik qilgan.