«Roma» «Manchester Yunayted» bilan yarimhimoyachi Nemanya Matich transferi borasida aloqada bo‘ldi, deb xabar beradi Sport Italia.

Rimliklarning yangi murabbiyi Joze Mourinyo klub rahbariyatidan mavsumoldi payti futbolchini sotib olishni so‘ragani aytilmoqda. «Bo‘rilar» imkon qadar tezroq Yevropa miqyosidagi yirik musobaqalarga qaytishni istaydilar va transfer bozorida faol bo‘lishga intilmoqda.

Mourinyo allaqachon Matich bilan «Chelsi» va «Manchester Yunayted»da ishlagan. Joriy mavsum 32 yoshli yarim himoyachi barcha turnirlarda 31 uchrashuv o‘tkazdi va bitta golli pas berdi.

Oldinroq Mourinyo jamoa bosh postiga tayinlangandan keyin fond birjasidagi «Roma» aksiyalari keskin ko‘tarilgani haqida xabar berilgan edi.