«Рома» «Манчестер Юнайтед» билан яримҳимоячи Неманья Матич трансфери борасида алоқада бўлди, деб хабар беради Sport Italia.
Римликларнинг янги мураббийи Жозе Моуриньо клуб раҳбариятидан мавсумолди пайти футболчини сотиб олишни сўрагани айтилмоқда. «Бўрилар» имкон қадар тезроқ Европа миқёсидаги йирик мусобақаларга қайтишни истайдилар ва трансфер бозорида фаол бўлишга интилмоқда.
Моуриньо аллақачон Матич билан «Челси» ва «Манчестер Юнайтед»да ишлаган. Жорий мавсум 32 ёшли ярим ҳимоячи барча турнирларда 31 учрашув ўтказди ва битта голли пас берди.
Олдинроқ Моуриньо жамоа бош постига тайинлангандан кейин фонд биржасидаги «Рома» акциялари кескин кўтарилгани ҳақида хабар берилган эди.
