AGMK roppa-rosa 1 oylik tanaffusdan keyin ichki chempionat o‘yinlariga qatymoqda. Bugungi Termizda «Surxon»ga qarshi bo‘lajak bahs Superliga 7-tur doirasida o‘tkaziladi.

Ushbu jamoalarning o‘zaro o‘yin tarixi qisqa va bu 2019 yilgi futbol mavsumidan boshlandi. Hozirga qadar AGMK termizliklar bilan 4 marotaba to‘qnash kelgan. 2019 yilgi mavsum Olmaliqda kechgan o‘yinda Dilshod Jo‘rayev va San’at Shixovning gollari AGMKga g‘alaba keltirgan bo‘lsa, Termizda Abror Ismoilovning goli “Surxon”ni g‘olib qilgandi. O‘tgan mavsum birinchi davra doirasidagi bahsda esa Arslonmirat Amanovning jarimadan kiritgan goli AGMKga g‘alaba keltirgandi. Termizda esa Bubanyaning avtogoli olmaliqliklarga g‘alaba keltirgan.

Jamoalarning Superligadagi holatiga nazar tashlasak, Mirjalol Qosimov boshchiligidagi AGMK jadvalda 2 g‘alaba, 1 durang hamda 1 mag‘lubiyat bilan 7 ochko to‘plagan holda  qolgan jamoalardan ikkita kam o‘yin o‘tkazib, 9-o‘rinda bormoqda.

“Surxon” esa 6 o‘yinda 4 ochko bilan 13-o‘rinni egallab turibdi.