“Metallurg” – “So‘g‘diyona” uchrashuvidan keyin mehmonlar jamoasi bosh murabbiyi matbuot anjumanida o‘z fikr-mulohazalari bildirdi.

— Albatta, bugun ob havo futbolchilarga qarashmadi. Kuchli yomg‘ir ostida o‘ynadik. Bu uchrashuvga o‘zining ta’sirini o‘tkazmasdan qolmadi. Yigitlarga katta rahmat. Ko‘rsatmalarni aniq bajarishdi. Tartibli o‘ynashdi. G‘alaba bilan barcha o‘yinchilarimni va muxlislarimizni tabriklayman. Har qanday tanaffusdan keyin musobaqani g‘alaba bilan davom ettirish juda yoqimli. “Metallurg” jamoasiga esa keyingi o‘yinlarda omad tilayman.

— “So‘g‘diyona” yetti uchrashuvdan buyon mag‘lubiyatsiz odimini davom ettirayapti: to‘rtta g‘alaba, uchta durang. Bunday natijaga erishish oson kechmayotgandir...
— Futbolchilar har bitta o‘yinga ishtiyoq bilan chiqishayapti. Ko‘rsatmalarni bekamu ko‘st bajarishmoqda. Himoyada tartibli o‘yin ko‘rsatayapmiz. Natijalarimiz mahsulishuning uchun ham ijobiy.

— Jamoa Superligada eng kam gol o‘tkazib yuborgan kollektivlardan biri bo‘lib turibdi...
— Ta’kidlaganimdek, himoyada tartibli o‘yin ko‘rsatayapmiz. Ayni paytda bitta hujumchi bilan o‘ynayapmiz, ixtiyorimizdagi tarkibdan kelib chiqib. Bundan tashqari raqibning o‘yiniga qarab taktika tanlaymiz.

— U-21 jamoasini ham kuzatib borasizmi?
— Hozircha to‘g‘risi kuzatolmadim. Bizda U-21 dan tashqari U-18 yoshlilar birinchiligi o‘tkazilayotganligi ham zo‘r ish. Albatta vaqt ajratib yoshlarning o‘yinini kuzataman. Iqtidorli o‘yinchilarga zarur tavsiyalar berib, asosiy tarkibga tayyorlab boramiz.